Mutualistentzako ikasketa-bekak

Prestazio-mota

Ordainketa bakarreko prestazioa.

Zertan datza?

Prestakuntza Ekintzako Programaren barruan dago.

Ordainketa bakarreko laguntza ekonomikoak, mutualistek egindako unibertsitate-ikasketa ofizialetarako matrikularen kostua eta gainerako izen-emate gastuak guztiz edo zati batez ordaintzera bideratuak.

Aurretiko deialdietan laguntza ekonomikoa lortu duten kasuetan, bigarren beka bat lortzeko aukera egongo da bigarren unibertsitate-ikasketa ofizialen matrikula eta gainerako izen-emate gastuak ordaintzen laguntzeko.

MUFACEren urteko deialdiaren bidez onesten dira.

Zenbatekoa

Eskatzaileak matrikulazio-gastuengatik benetan ordaindutako zenbatekoa, 2024/2025 ikasturteko matrikulazioetarako 300 euro gehienez.

Laguntza nork jaso dezakeen

Mutualista titularrek, altan edo altarekin parekatutako egoeran 2024ko urriaren 15ean, egoera horretan jarraitzen badute eskabidea aurkezteko datan eta 2024/2025 ikasturtean deialdiaren Ebazpeneko I. eranskinean adierazitako ikasketak egiten badituzte. 

Aurkezteko epea

2025eko ekainaren 6tik urriaren 31ra arte.

Aurkezteko lekua

2024/2025 ikasturtean matrikula egindako mutualistentzako beken deialdian, eskabidea MUFACEren egoitza elektronikoaren bidez egingo da («Ikasketarako beka-eskabidea»ren prozesua), ziurtagiri digital aitortua, NAN elektronikoa eta Cl@ve identifikazioa erabiliz.

Cl@ve identifikazioa gomendatzen dugu, ez baitu behar ez txartelik, ezta bestelako softwarerik ere, eta Interneten eska daiteke, bertaratu beharrik gabe.  Kontsultatu nola erregistratu .

Araudia

 

• Administrazio Mutualismoaren Araudi Orokorraren 130. artikulua
• Ebazpena, 2025eko maiatzaren 29koa , MUFACErena, mutualistentzako ikasketa-bekak, 2024/2025 ikasturterako, deitzekoa (BOE, 2025eko ekainaren 5ekoa).