Axudas de prolongación de efectos de axudas anteriores (epígrafe 9 da resolución de convocatoria para 2024)
Tipo de prestación
Axudas de protección sociosanitaria
De que se trata?
Este programa ten como finalidade permitir o mantemento das axudas económicas concedidas nas resolucións de convocatorias anteriores a beneficiarios e beneficiarias das mesmas e para quen, solicitando o recoñecemento da súa situación de dependencia, con determinación do seu grao e nivel, no seu caso, de conformidade co establecido na Lei 39/2006, de 14 de decembro e normativa de desenvolvemento, e no Real Decreto-lei 20/2012, de 13 de xullo, de medidas para garantir a estabilidade orzamentaria e de fomento da competitividade, aínda non sexa efectivo o seu dereito aos servizos e prestacións económicas do Sistema para a Autonomía e Atención á Dependencia (SAAD) por causa non imputable ás persoas interesadas.
Con todo, poderán ser beneficiarios e beneficiarias desta prolongación de efectos quen fose declarados ou declaradas non dependentes mediante resolución do órgano competente do SAAD, sempre que manteña a súa validez a cualificación de discapacidade que servise de base para a concesión da axuda en exercicios anteriores.
Contía
A correspondente á axuda a extinguir que viñese percibindo, sen actualización en 2024.
Quen se pode beneficiar da axuda
De acordo co disposto na convocatoria 2024, poden ser beneficiarias aquelas persoas que obtivesen na convocatoria anterior unha axuda da mesma modalidade e en quen concorran os seguintes requisitos:
1) A súa situación económica non se modificou en máis do 5% respecto da convocatoria anterior.
2) Estar afectadas por un grao de discapacidade igual ou superior ao 65% ou ao 80%, se neste último caso non alcanzan os 65 anos de idade (salvo para Teleasistencia).
3) Non ter variación na súa unidade de convivencia ou outras circunstancias que foron obxecto de consideración para a concesión da axuda anterior.
4) Non se lles fixo efectivo servizo algún ou prestación económica vinculada ao mesmo, a través do SAAD.
5) Cúmprase o requisito previsto no último parágrafo do épigrafe 9.1.
Prazo de presentación
As solicitudes presentaranse ata o 31 de decembro de 2024, inclusive, de acordo co establecido na correspondente convocatoria.
Lugar de presentación
- A través do Rexistro Electrónico Común (REC) da Administración Xeral do Estado, as 24 horas do día, todos os días do ano, sen ter que acudir ás nosas oficinas. Requírese un certificado electrónico válido, DNI electrónico, Cl@ve permanente ou PIN Cl@ve. Se queres rexistrarte en Cl@ve, hai oficinas de MUFACE nas que pode facelo. Coñeza aquí cales son , e para coñecer outros modos de facelo, entre aquí
. - Nas nosas Oficinas de MUFACE, sempre con quenda previa, ou en calquera dos rexistros previstos no artigo 16.4 da Lei 39/2015, de 1 de outubro, do Procedemento Administrativo Común das Administracións Públicas. Tamén por correu postal.
Documentación
Solicitude de cambio transitorio de modalidade de axuda (68 KB)
Recibo para servizos prestados por persoas físicas (45 KB)
Declaración responsable (57 KB)
Modelo 145- comunicación de datos ao pagador (120 KB)
A falta de comunicación ao pagador das circunstancias persoais ou da súa variación, determinará que se aplique o tipo de retención correspondente, sen ter en conta ditas circunstancias (Art. 88.2 do Regulamento do Imposto dobre a Renda das Persoas Físicas)
Normativa
- Art.135 do Regulamento Xeral do Mutualismo Administrativo.
- Resolución do 21 de marzo de 2024, da Mutualidade Xeral de Funcionarios Civís do Estado (MUFACE), pola que se convoca a concesión de axudas de protección sociosanitaria durante o ano 2024 (BOE 4 de abril de 2024).