Pódense solicitar ata o 5 de outubro

Xa están convocadas as Axudas Asistenciais para 2020 de MUFACE, tal como figura na Resolución do 3 de agosto de 2020 desta Mutualidade que publica o 19 de agosto o Boletín Oficial do Estado (Ver ligazón). Trátase de axudas destinadas a atender situacións de necesidade que non estean cubertas por outras prestacións, sempre que se careza dos recursos indispensables para facer fronte aos mesmos, destacando as axudas para sufragar os gastos de farmacia abonados desde o 1 de xullo de 2019 ata o 30 de xuño de 2020.

Estas axudas benefician aos mutualistas xubilados ou mutualistas perceptores de prestación de orfandade ou viuvez que cumpran determinados requisitos. Seguen en vigor as medidas aprobadas no exercicio anterior, tales como o incremento ata os 15.000 euros do límite máximo de renda, por baixo do cal se poden percibir as axudas ao copago farmacéutico, ou a contía mínima das mesmas, fixada en 50 euros.

Mellor pola  Sede Electrónica
 

O prazo de solicitude iníciase o 20 de agosto e acaba o 5 de outubro e o prazo para resolver as solicitudes termina o 15 de decembro de 2020. Dada a limitación de aforamentos nas súas oficinas, debida á crise do Covid-19, MUFACE aconsella tramitar as solicitudes a través da Sede Electrónica (ligazón), con Cl@ve, certificado dixital ou DNI electrónico. Tamén se poden solicitar por correo postal. Quen desexen presentar a solicitude presencialmente na súa correspondente oficina provincial, deben lembrar que é obrigatorio pedir cita previa. (ligazón)

Máis información na web de MUFACE: “Axudas asistenciais " ( ligazón)   e "axudas para o *copago farmacéutico” (ligazón)